L-ewwel rebha ghal Nasko Pride fil-finali ewlenija

F’Jum l-Ghid, fil-korsa tal-Marsa saret it-tmintax –il laqgha tal-istagun fuq tmien tigrijiet kollha ghal zwiemel tat-trott. L-aktar tigrijiet mistennija kienu hames finali ta’ Condition Races ghall-klassijiet differenti fuq distanza qasira ta’ 2140m u ohra ta’ konsolazzjoni ghal zwiemel mill-oghla klassijiet, zwiemel li ma rnexxilhomx jghaddu ghall-finali tat-Tazza l-Kbira li saret il-Gimgha li ghaddiet u li kienet mirbuha minn Mig Of The Wood. Din il-finali ta’ konsolazzjoni saret fuq distanza twila ta’ 2640m u ntrebhet minn Nasko Pride misjuq minn Christian Xerri. Iz-zghazugh Ghawdxi Shawn Portelli temm l-ahjar wiehed tal-programm wara li rebah zewg finali ta’ Condition Races.

Sebgha kienu z-zwiemel li bdew fil-finali ta’ konsolazzjoni. Noble d’Ete (Raymond Clifton) kien l-aktar wiehed veloci wara l-karozza tat-tluq. Dan fetah vantagg ta’ nofs tul minn Bello Fratello (Anthony Spagnol), Normand d’Oger (Cliferty Calleja) u Lou Petiot (Michael Axisa). L-andament baqa’ wiehed kostanti b’dan il-mod sa 400m mit-tmiem, sakemm beda’ gej l-avvanz tlieta fuq in-naha ta’ barra ta’ Nasko Pride li f’idejn Christian Xerri mar quddiem fid-dritta finali u ha l-ewwel rebha f’Malta facilment b’vantagg ta’ tliet tulijiet minn Normand d’Oger. Noble d’Ete kellu jikkuntenta bit-tielet post filwaqt li Lou Petiot akkwista r-raba’ pozizzjoni.

Ir-rebbieh kellu medja ta’ 1.16.4” fil-kilometru. Fi tmiem din il-finali, Dr Matthew Brincat, chairman tal-Malta Racing Club ippremja lil Christian Xerri u lis-Sur Silvio Vella is-sid taz-ziemel rebbieh.

Fil-finali tal-Condition Race tal-klassi Gold, Oscar de la Vallee (Noel Baldacchino) beda jnaqqas il-pass fl-ahhar metri u nqabez minn Oscar Mati (Rodney Gatt) li ha t-tielet rebha tas-sena u t-tieni wahda konsekuttiva mill-kwotat Zilver Boko (Tony Demanuele). Lime Casted (Julian Farrugia) temm fir-raba’ pozizzjoni.

Dwell interessanti bejn Lovely Mab (Noel Baldacchino) u Confidence As (Rodney Gatt) fid-dritta finali tal-klassi Silver A waslet lil tal-ewwel biex itemm rebbieh u jiehu wkoll it-tieni rebha konsekuttiva. Hames tulijiet warajhom spiccaw Charlie Smitt (Frencu Cassar) u  Mint Condition (Jason Vassallo).

Fil-finali Silver B, taqtiegha bejn erba’ zwiemel fl-ahhar 300m waslet lil Lonestar Somolli (Brian Zammit) biex jakkwista t-tielet rebha konsekuttiva u f’Malta bi ftit minn Meadow Dancer (Noel Baldacchino). Cross Country FC (Marco Debono) u Phenix d’Or (Alex Farrugia) kellhom ukoll wirja pozittiva.

Il-Belgjan Ackaturbo (Shawn Portelli) kien dejjem quddiem tul id-distanza tal-finali tal-klassi Bronze. Ghalkemm bi tbatija, dan irnexxilu fid-dritta finali jikkontrolla l-attakk ta’ Robin Lou (Michael Ellul) li dahal warajh fit-tieni post. Belbroughton Road (Carl Caruana) u It’s My Way (Brian Hili) temmew fit-tielet u r-raba’ pozizzjoni rispettivament.

Fil-finali tal-Condition Race tal-klassi Copper rega kien protagonist is-sewwieq zghazugh Ghawdxi Shawn Portelli. Bil-kwotat Keyser Engely, Portelli halla kollox ghall-ahhar 500m biex rebah facilment b’vantagg ta’ madwar tmien tulijiet minn Dandy (Robert Polidano). Mistral du Chene (Ronnie Galea) u Gamin Launcher (Jeffrey Xerri) kellhom ukoll wirja tajba meta temmew warajhom f’dik l-ordni. Ghal Kejser Engely din kienet it-tieni rebha infila.

Fit-tigrija normali tal-klassi Silver, Orphee Kadesh (Michael Ellul) biddel il-pass 400m mill-linja finali meta kien fl-ewwel pozizzjoni. Kien f’dak il-hin li Carl Caruana mar quddiem u minghajr tbatija qasam il-linja finali l-ewwel minn Newman (Kevin Sciberras), Bill Boing (Gilbert Farrugia) u Triangel Kall (Frans Tanti).

Il-laqgha fethet ukoll b’tigrija normali tal-klassi Copper. Hawnhekk, Trick The Lind (Noel Baldacchino) li mar quddiem dawra mit-tmiem inqabez fl-ahhar metri minn Hulegardens Filur (Ryan Scicluna) li ha l-ewwel rebha tieghu. What’s Up (Oliver Briffa) u Glowing Star (Rodney Gatt) kellhom ukoll pjazzament tajjeb fit-tielet u r-raba’ pozizzjoni.

Ir-rizultati kollha

I Tigrija. Klassi Copper. Dist – 2640m. 1. Hulegardens Filur (R. Scicluna) Hin – 3.37.6” (1.22.4”) 2. Trick The Lind (N. Baldacchino) 3. What’s Up (M. Ellul) 4. Glowing Star (R. Gatt)

II Tigrija. Finali Paul and Shark Condition Race. Klassi Copper. Dist – 2140m. 1. Kejser Engely (S. Portelli) Hin – 2.47.8” (1.18.4”) 2. Dandy (R. Polidano) 3. Mistral du Chene (R. Galea) 4. Gamin Launcher (J. Xerri)

III Tigrija. Finali Finish Line Condition Race. Klassi Bronze. Dist – 2140m. 1. Ackaturbo (S. Portelli) Hin – 2.47.2” (1.18.1”)  2. Robin Lou (M. Ellul) 3. Belbroughton Road (C. Caruana) 4. It’s My Way (B. Hili)

IV Tigrija. Finali TRM Condition Race. Klassi Silver B. Dist – 2140m. 1. Lonestar Somolli (B. Zammit) Hin – 2.46.3” (1.17.7”) 2. Meadow Dancer (N. Baldacchino) 3. Cross Country FC (M. Debono) 4. Phenix d’Or (A. Farrugia)

V Tigrija. Finali Vida Condition Race. Klassi Silver A. Dist – 2140m. 1. Lovely Mab (N. Baldacchino) Hin – 2.47.7” (1.18.4”)  2. Confidence As (R. Gatt) 3. Charlie Smitt (F. Cassar) 4. Mint Condition (J. Vassallo)

VI Tigrija. Finali Fairplay Bingo Condition Race. Klassi Gold. Dist – 2140m. 1. Oscar Mati (R. Gatt) Hin – 2.44.7” (1.17”) 2. Zilver Boko (T. Demanuele) 3. Oscar de la Vallee (N. Baldacchino) 4. Lime Casted (J. Farrugia)

VII Tigrija. Finali ta’ Konsolazzjoni Dragonara. Klassi Open. Dist – 2640m. 1. Nasko Pride (C. Xerri) Hin – 3.21.7” (1.16.4”) 2. Normand d’Oger (C. Calleja) 3. Noble d’Ete (R. Clifton) 4. Lou Petiot (M. Axisa)

VIII Tigrija. Klassi Silver. Dist – 2640m. 1. L’Ideal de Fersan (C. Caruana) Hin – 3.25” (1.17.6”) 2. Newman (K. Sciberras) 3. Bill Boing (G. Farrugia) 4. Triangel Kall (F. Tanti)