Rebha Olandiza fil-kampjonat internazzjonali

Samantha Stalker, Sophie Blancheterie u Ilaria Vecchi premjati fi tmiem il-kampjonat (Ritratt Patrick Gatt).

L-Olandiza Samantha Stolker rebhet l-edizzjoni 2014 tal-kampjonat internazzjonali ghal sewwieqa nisa li saret il-Gimgha fil-ghaxija fil-korsa tal-Marsa. Dan il-kampjonat kien organizzat fuq zewg heats fuq distanza ta’ 2140m. Fih hadu sehem tnax -il sewwieq minn diversi pajjizi Ewropej b’Malta tkun rapprezentata minn Lorraine Cunningham. Il-programm tal-Gimgha kien jikkonsisti minn ghaxar tigrijiet tat-trott.

Is-sewwieqa li ppartecipaw f’din il-kompetizzjoni nternazzjonali saqu f’zewg tigrijiet miftuha ghal zwiemel tal-klassi Copper u Silver. Fl-ewwel wahda tal-klassi Copper, Lorraine Cunningham poggiet lil Monte Cinto Mag quddiem sa mill-bidu nett tat-tigrija u matul l-ewwel metri dan iz-ziemel Franciz fetah vantagg zghir minn Stormy Sand (Monica Sahlgren Frommel – Svezja) u Fuoco Nel Fuoco (Pamela Westgeest – Olanda). Izda t-tigrija bidlet l-andament taghha hekk kif iz-zwiemel qabdu d-dritta finali taghhom. Monte Cinto Mag beda jnaqqas mill-giri u dlonk inqabez minn Hotchemin (Samantha Stolker – Olanda) li qasam il-linja finali l-ewwel minn Nympheta De Bisoir (Ilaria Vecchi – Italja). Stormy Sand u Monte Cinto Mag kellhom jikkuntentaw bit-tielet u r-raba’ pozizzjoni. Ghal Hotchemin dan kien l-ewwel success tas-sena.

It-tieni heat, riservata ghal zwiemel tal-klassi Silver, zviluppat f’wahda eccitanti u interessanti sat-tmiem. Hawnhekk kien hemm taqtiegha kontinwa bejn hames zwiemel fid-dritta finali bl-Estonjana Natalia Abdalla twassal lill-kwotata Darling Sjohammar biex tiehu t-tieni success f’Malta bi ftit minn Love Heart (Sophie Blancheterie – Franza). Id-debuttant Franciz Roc Magister, f’idejn l-Olandiza Samantha Stolker, kellu wkoll debutt felici meta temm fit-tielet pozizzjoni minn Lucas Ness (Lorraine Cunningham).

Fi tmiem din it-tieni heat, Samantha Stolker tal-Olanda giet iddikjarata r-rebbieha finali ta’ dan il-kampjonat bi 32 punt. Fil-klassifika generali, il-Franciza Sophie Blancheterie temmet it-tieni b’24 punt quddiem it-Taljana Ilaria Vecchi bi 23 punt. Dawn is-sewwieqa gew premjati mis-Segretarju Parlamentari ghall-Isport Chris Agius fil-prezenza fost l-ohrajn tac-chairman tal-MRC Matthew Brincat. Ta’ min wiehed jinnota li r-rapprezentanta Maltija temmet fil-hames post b’ghoxrin punt. Prezenti wkoll ghall-okkazjoni kien hemm il-kelliem tal-Partit Nazzjonalista dwar l-isport Robert Cutajar.

Ir-rizultati kollha.

I Tigrija. Heat Prix De Cagnes Sur Mer. Klassi Bronze. Dist – 2140m. 1. Pacha De Sassy (H. McKay) Hin – 2.44.2” (1.16.7”) 2. Roff Gy (N. Baldacchino) 3. Pactolgo (A. Farrugia) 4. Ogor (A. Cassar)

II Tigrija. Heat Prix De Cabourg. Klassi Silver. Dist – 2140m. 1. Rubis d’Olivier (C. Vassallo) Hin – 2.45.3” (1.17.2”) Rocky De Jervi (J. Said) 3. Pilote De Nganda (S. Blanchetiere) 4. Locton (J. Bartolo)

III Tigrija. Heat Prix De Cabourg. Klassi Silver. Dist – 2140m. 1. Quoly (N. Baldacchino) Hin – 2.45.4” (1.17.3”) 2. Quazoumax (A. Farrugia) 3. Quim Itou (Y. Briand) 4. Recif Du Layon (I. Bilocca)

IV Tigrija. Heat Prix De Cagnes Sur Mer. Klassi Bronze. Dist – 2140m. 1. Titus Du Rib (A. Farrugia) Hin – 2.45.6” (1.17.4”) 2. Obscur De Busset (S. Portelli) 3. Lys De L’Oasis (J. Farrugia) 4. Quero Des Erablais (S. Galea)

V Tigrija. Heat Kampjonat Internazzjonali Sewwieqa Nisa. Klassi Copper. Dist – 2140m. 1. Hotchemin (S. Stolker – Olanda) Hin – 2.48.4” (1.18.7”) 2. Nympheta De Bisoir (I. Vecchi – Italja) 3. Stormy Sand (M. Sahlgren-Fromell – Svezja) 4. Monte Cinto Mag (L. Cunningham – Malta)

VI Tigrija. Heat Prix De Cabourg. Klassi Silver. Dist – 2140m. 1. Quipson (R. Gatt) Hin – 2.45.1” (1.17.1”) 2. Quick Et Rare (J. Pace) 3. Rocking Gwen (C. Camilleri) 4. Rhodes Fortuna (Y. Briand – Franza)

VII Tigrija. Heat Kampjonat Internazzjonali Sewwieqa Nisa. Klassi Silver. Dist – 2140m. 1. Darling Sjohammar (N. Abdalla – Estonja) Hin – 2.46” (1.17.5”) 2. Love Heart (S. Blanchetiere – Franza) 3. Roc Magister (S. Stolker – Olanda) 4. Lucas Ness (L. Cunningham – Malta)

VIII Tigrija. Heat Prix d’Enghien. Klassi Gold. Dist – 2140m. 1. Pan Des Couperies (C. Camilleri) Hin – 2.43.5” (1.16.4”) 2. Quozak Prior (Y. Briand – Franza) 3. Quintet (B. Zammit) 4 Niky Du Donjon (J. Vella)

IX Tigrija. Heat Prix De Cagnes Sur Mer. Klassi Bronze. Dist – 2140m. 1. Quid De Bellevue (N. Baldacchino) Hin – 2.44.4” (1.16.8”) 2. Seigneur Du Dropt (M. Sultana) 3. Notre Joyeaux (C. Camilleri) 4. Novak (T. Demanuele)

X Tigrija. Heat Prix d’Enghien. Klassi Gold. Dist – 2140m. 1. Pile Ou Face (J. Schembri) Hin – 2.43.6” (1.16.5”) 2. Ollico Pellois (L. Ghigo) 3. Quelino d’Amour (C. Degiorgio) 4 Quito De Femisson (B. Zammit)